ಅನ್ ಲೈ ನ್ ಮೂಲಕ ಊಟವನ್ನೂ ತರಿಸಿಕೊಂಡು, ಕೊರೊನಾ ಇಲ್ಲವೇನೋ ಎಂಬಂತೆ ಪಾರ್ಟಿಯಲ್ಲಿ ಮಾಡಿದ್ದ 34 ವಿದ್ಯಾರ್ಥಿಗಳಿಗೆ ಈಗ ಕೊರೊನಾ ವಕ್ಕರಿಸಿದೆ.
ಬೆಂಗಳೂರು: ಹೋದ್ಯ ಪಿಶಾಚಿ ಅಂದ್ರೆ ಬಂದೆ ಗವಾಕ್ಷಿ ಅನ್ನುವಂತಾಗಿದೆ ಕೊರೊನಾ ಕಥೆ. ಕೊರೊನಾ ಮಹಾಮಾರಿಯ ಆರ್ಭಟ ನಗರದಲ್ಲಿ ಇನ್ನೇನು ಕಡಿಮೆ ಆಗ್ತಾ ಇದೆ ಅನ್ನೋ ಅಷ್ಟರಲ್ಲಿ ಕ್ಲಸ್ಟರ್ ಮಟ್ಟದಲ್ಲಿ ಕೊರೊನಾ ಹಬ್ಬುತ್ತಿದೆ. ಕೊರೊನಾ ನಿಯಮವನ್ನೂ ಉಲ್ಲಂಘಿಸಿ ಮೋಜು ಮಸ್ತಿಯಲ್ಲಿ ಭಾಗಿಯಾಗಿದ್ದವರಿಗೆ ಸೋಂಕು ಹಬ್ಬಿದೆ. ಅನ್ ಲೈ ನ್ ಮೂಲಕ ಊಟವನ್ನೂ ತರಿಸಿಕೊಂಡು, ಕೊರೊನಾ ಇಲ್ಲವೇನೋ ಎಂಬಂತೆ ಪಾರ್ಟಿಯಲ್ಲಿ ಭಾಗಿಯಾಗಿದ್ದವರಿಗೆ ಈಗ ಕೊರೊನಾ ವಕ್ಕರಿಸಿದೆ. ಎಲ್ಲರೂ ಕ್ವಾರಂಟೈನ್ ನಲ್ಲಿದ್ದಾರೆ.
ನಿನ್ನೆಯಷ್ಟೆ ಒಂದು ಮನೆಯಿಂದ ಮೂರು ಮನೆಗೆ ಹರಡಿದ್ದ ಕೊರೊನಾ ಸೋಂಕು 10 ಜನರಿಗೆ ವಕ್ಕರಿಸಿ ಬಿಟ್ಟಿತ್ತು. ಇಂದು ಕಾಲೇಜ್ವೊಂದರಲ್ಲಿ ಕೊರೊನಾ ಬ್ಲಾಸ್ಟ್ ಆಗಿದೆ. ಸುಮಾರು 34 ವಿದ್ಯಾರ್ಥಿಗಳಿಗೆ ಸೋಂಕು ಹರಡಿದೆ. ಹೌದು, ಸಂಭಾವ್ಯ ಕೋವಿಡ್ ಮೂರನೇ ಅಲೆಯ ಭೀತಿ ನಡುವೆ ನಗರದ ಮಹದೇವಪುರದ ಹೊರಮಾವು ವಾರ್ಡಿನ ಕ್ರಿಶ್ಚಿಯನ್ ಕಾಲೇಜಿನಲ್ಲಿ ಒಟ್ಟು 34 ವಿದ್ಯಾರ್ಥಿಗಳಿಗೆ ಕೊರೊನಾ ಪಾಸಿಟಿವ್ ಆಗಿದೆ. 12 ವಿದ್ಯಾರ್ಥಿಗಳು, 22 ವಿದ್ಯಾರ್ಥಿನಿಯರು ಕೊರೊನಾ ಸೋಂಕು ತಗುಲಿದ್ದು, ಸೋಂಕಿತ ವಿದ್ಯಾರ್ಥಿಗಳನ್ನು ಕೋವಿಡ್ ಕೇರ್ ಸೆಂಟರ್ಗೆ ಶಿಫ್ಟ್ ಮಾಡಲಾಗಿದೆ. ಬಹುತೇಕರಿಗೆ ಕೋವಿಡ್ ಲಕ್ಷಣ ಇಲ್ಲದಿದ್ದರೂ, ಪಾಸಿಟಿವ್ ವರದಿ ಬಂದಿದೆ. ಆದರೂ, ಹೋಂ ಕ್ವಾರಂಟೈನ್ನಲ್ಲಿ ಇದ್ದು, ನಿಗಾವಹಿಸಲು ಬಿಬಿಎಂಪಿ ಆರೋಗ್ಯ ಅಧಿಕಾರಿಗಳು ಮುಂದಾಗಿದ್ದಾರೆ.
ಇನ್ನು ಈ ಮಟ್ಟಿಗೆ ಕೊರೊನಾ ಈ ಕಾಲೇಜಿನಲ್ಲಿ ಬ್ಲಾಸ್ಟ್ ಆಗೋದಕ್ಕೆ ಕಾರಣ ಗೆಟ್ ಟು ಗೆದರ್ ಪಾರ್ಟಿ ಎನ್ನಲಾಗಿದೆ. ಇಲ್ಲಿಗೆ ಬಂದಿದ್ದ ಅನೇಕ ವಿದ್ಯಾರ್ಥಿಗಳು ಆನ್ಲೈನ್ ಊಟ, ತಿಂಡಿ ತಿನಿಸುಗಳನ್ನು ಖರೀದಿಸಿದ್ದರಂತೆ. ಇದಾದ ಎರಡು ದಿನಗಳಲ್ಲಿ ಮೊದಲು ಮೂರು ವಿದ್ಯಾರ್ಥಿಗಳಿಗೆ ಕೋವಿಡ್ ಗುಣ ಲಕ್ಷಣಗಳು ಕಾಣಿಸಿಕೊಂಡಿದೆ. ಬಳಿಕ ಮೂವರು ಕೋವಿಡ್ ಪರೀಕ್ಷೆಗೆ ಒಳಪಡಿಸಿದಾಗ ಪಾಸಿಟಿವ್ ಬಂದಿದೆ. ಸದ್ಯ ಕಾಲೇಜಿನ ಒಟ್ಟು 412 ವಿದ್ಯಾರ್ಥಿಗಳನ್ನು ಸ್ವಾಬ್ ಟೆಸ್ಟ್ನ ತೆಗೆದುಕೊಂಡು ಪರೀಕ್ಷೆಗೆ ಕಳಿಸಿದೆ ಬಿಬಿಎಂಪಿ.
ಅಷ್ಟೆ ಅಲ್ಲ ಇಡೀ ಕಾಲೇಜನ್ನು ಬಿಬಿಎಂಪಿ ಸೀಲ್ ಡೌನ್ ಮಾಡಿದೆ. ಈ ಬಗ್ಗೆ ಬಿಬಿಎಂಪಿ ಕಮಿಷನರ್ ನ ಕೇಳಿದರೆ, ಮಹಾದೇವಪುರ ನಗರದ ಕೊರೋನಾ ಹೆಚ್ಚಿರುವ ವಲಯ. ಇಲ್ಲಿ ಹೆಚ್ಚು ರಾಜ್ಯದ ಹೊರಗಿಂದ ಬಂದವರಿದ್ದಾರೆ. ಟೆಕ್ ಕಂಪೆನಿಗಳಿದ್ದಾವೆ. ಕಾಲೇಜು ವಿದ್ಯಾರ್ಥಿಗಳೂ ಕೂಡ ಬಹುತೇಕ ಅನ್ಯ ರಾಜ್ಯದಿಂದಲೇ ಬಂದವರು. ಹೀಗಾಗಿ ಹೆಚ್ಚು ಸೋಂಕು ಪತ್ತೆಯಾಗುತ್ತಿದೆ. ಆದರೂ ಪಾಲಿಕೆ ಹೆಚ್ಚಿನ ನಿಗಾ ವಹಿಸಿ ಕ್ರಮ ಕೈಗೊಳ್ಳುತ್ತಿದೆ ಎಂದರು.