ಮಧ್ಯಪ್ರದೇಶ: ವ್ಯಕ್ತಿಯೋರ್ವನ ಜೇಬಿನಲ್ಲಿ ಇದ್ದಕ್ಕಿದ್ದಂತೆ ಮೊಬೈಲ್ ಸ್ಫೋಟಿಸಿರುವ ಘಟನೆ ಮಧ್ಯ ಪ್ರದೇಶದ ಉಜ್ಜಯಿನಿಯ ಫಜಲ್‌ಪುರ ವ್ಯಾಪ್ತಿಯಲ್ಲಿ ನಡೆದಿದೆ. ಪಾದರಕ್ಷೆ ಮಾಡುವ ಅಂಗಡಿಯ ಮಾಲೀಕ ನಿರ್ಮಲ್ ಪಮ್ನಾನಿ ಎಂಬುವರು ತಮ್ಮ ಜೇಬಿನಲ್ಲಿ ಮೊಬೈಲ್ ಇರಿಸಿಕೊಂಡಿದ್ದರು. ಅದು ಇದ್ದಕ್ಕಿದ್ದಂತೆ ಸ್ಫೋಟಗೊಂಡಿದೆ. ಘಟನೆ ನಂತರ ಸ್ಥಳದಲ್ಲಿ ಆತಂಕದ ವಾತಾವರಣ ನಿರ್ಮಾಣ ಆಗಿತ್ತು. ಸ್ಫೋಟ ಹಿನ್ನೆಲೆ ಉದ್ಯಮಿಯ ಜೀನ್ಸ್ ಮತ್ತು ಕಾಲುಗಳು ಸುಟ್ಟಿವೆ. ಸ್ಪೋಟಗೊಂಡ ಮೊಬೈಲ್ ರೆಡ್ಮಿ ಕಂಪನಿಯದು ಎನ್ನಲಾಗಿದೆ. ಮೊಬೈಲ್ ಅನ್ನು ಚಾರ್ಜ್ನಿಂದ ತೆಗೆದು ಅವರು ಜೇಬಿನಲ್ಲಿಟ್ಟುಕೊಂಡು ತೆರಳುತ್ತಿದ್ದರು ಎನ್ನಲಾಗಿದೆ. ಹೆಚ್ಚು ಬಿಸಿಲು ಹಾಗೂ ಬಿಸಿಯಾಗಿದ್ದ ಮೊಬೈಲ್ ಸ್ಫೋಟವಾಗಿದೆ ಎನ್ನಲಾಗಿದೆ.
