ಮಹಾರಾಷ್ಟ್ರ: ಮಹಾರಾಷ್ಟ್ರದ ಸತಾರಾ ಜಿಲ್ಲೆಯ ಪ್ರಿಯಾಂಕಾ ಮೋಹಿತೆ 8000 ಮೀಟರ್‌ಗಿಂತ ಹೆಚ್ಚು ಐದು ಶಿಖರಗಳನ್ನು ಏರಿದ ಮೊದಲ ಭಾರತೀಯ ಮಹಿಳೆಯಾಗಿದ್ದಾರೆ. ಗುರುವಾರ ಕಾಂಚನಜುಂಗಾ ಪರ್ವತವನ್ನು ಏರಿದ ನಂತರ ಪ್ರಿಯಾಂಕಾ ಈ ಮೈಲಿಗಲ್ಲು ಸಾಧಿಸಿದರು.
30 ವರ್ಷದ ಪ್ರಿಯಾಂಕಾ ಮೋಹಿತೆ ಮೇ 5 ರಂದು ಸುಮಾರು 4:42 ಗಂಟೆಗೆ ಭೂಮಿಯ ಮೇಲಿನ ಮೂರನೇ ಅತಿ ಎತ್ತರದ ಶಿಖರವನ್ನು ಏರಿದರು ಎಂದು ಮಾಧ್ಯಮಗಳು ವರದಿ ಮಾಡಿದೆ.
ಪ್ರಿಯಾಂಕಾ ಬೆಂಗಳೂರಿನ ಫಾರ್ಮಾಸ್ಯುಟಿಕಲ್ ರಿಸರ್ಚ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. 2020 ರಲ್ಲಿ ಅವರು ಪ್ರತಿಷ್ಠಿತ ತೇನ್ಸಿಂಗ್ ನಾರ್ಗೆ ಸಾಹಸ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಅಷ್ಟೇ ಅಲ್ಲದೇ, 2013 ರಲ್ಲಿ ಮೌಂಟ್ ಎವರೆಸ್ಟ್, 2018 ರಲ್ಲಿ ಲೊಟ್ಸೆ, 2019 ರಲ್ಲಿ ಮೌಂಟ್ ಮಕಾಲು ಮತ್ತು 2021 ರಲ್ಲಿ ಅನ್ನಪೂರ್ಣ 1 ಅನ್ನು ಏರಿದರು. ಗಮನಾರ್ಹವಾಗಿ, ಅವರು ಮೊದಲ ಭಾರತೀಯ ಮಹಿಳೆಯಾಗಿದ್ದಾರೆ.
2013 ರಲ್ಲಿ ನಾನು ಮೌಂಟ್ ಎವರೆಸ್ಟ್ ಅನ್ನು ಏರಿದೆ. ಆ ಸಮಯದಲ್ಲಿ ನಾನು ಈ ಕಠಿಣ 8000 ಮೀಟರ್ ಪರ್ವತಗಳಿಗೆ ಹೋಗಬೇಕೆಂದು ನಿರ್ಧರಿಸಿದೆ. ಏಕೆಂದರೆ, ಇದನ್ನು ಸಾಧಿಸಿದ ಭಾರತದಿಂದ ಕೆಲವೇ ಪರ್ವತಾರೋಹಿಗಳು ಇದ್ದಾರೆ. ಇತ್ತೀಚಿನ ದಿನಗಳಲ್ಲಿ ಮಹಿಳೆಯರು ಸಹ ಏರುತ್ತಿದ್ದಾರೆ. ಆದರೆ, ಅವರಲ್ಲಿ ಕೆಲವೇ ಕೆಲವರು ಈ ಸವಾಲನ್ನು ಸ್ವೀಕರಿಸುತ್ತಿದ್ದಾರೆ. ಅದರಲ್ಲಿ ನಾನೂ ಒಬ್ಬಳು ಎಂದು ಪ್ರಿಯಾಂಕಾ ತಿಳಿಸಿದರು.
