ಬೆಂಗಳೂರು: ಇನ್ನೆರಡು ದಿನಗಳಲ್ಲಿ ಮತ್ತೆ ಭಾರೀ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಸತತ ಎರಡು ವಾರಗಳ ಬಳಿಕ ಬಿಡುವು ನೀಡಿದ್ದ ಮಳೆಯಿಂದ ಈಗಷ್ಟೇ ಜನರು ನಿರಾಳರಾಗಿದ್ದರು. ಈ ಬೆನ್ನಲ್ಲೇ ಮತ್ತೆ ಮಳೆ ಮುನ್ಸೂಚನೆ ನೀಡಲಾಗಿದೆ.
ರಾಜ್ಯದಲ್ಲಿ ಜು.27ರಿಂದ ಮಳೆ ಜೋರಾಗಲಿದ್ದು, ದಕ್ಷಿಣ ಒಳನಾಡು ಮತ್ತು ಮಲೆನಾಡು ಜಿಲ್ಲೆಗಳಲ್ಲಿ ಜು.27ರಿಂದ ಮುಂದಿನ 3 ದಿನ ನಿರಂತರ ಮಳೆಯಾಗಲಿದ ಎಂದು ತಿಳಿಸಿದೆ.
ಈ ಬಾರಿ ನಿರೀಕ್ಷಿತಕ್ಕೂ ಅಧಿಕ ಮಳೆಯಾಗಿದ್ದರೂ, ಕೆಲವೆಡೆ ಮಳೆ ಕೊರತೆಯೂ ಉಂಟಾಗಿದೆ. ರಾಜ್ಯದ ಕರಾವಳಿ ಜಿಲ್ಲೆಗಳಲ್ಲಿ ಭಾರೀ ಮಳೆಯಿಂದ ಪ್ರವಾಹ ಪರಿಸ್ಥಿತಿಯೇ ಉಂಟಾಗಿತ್ತು, ಇದರಿಂದ ಜನಜೀವನ ಅಸ್ತವ್ಯಸ್ತವಾಗಿತ್ತು. ಕೆಲವೆಡೆ ಸಂಪರ್ಕ ಕಡಿತಗೊಂಡಿದ್ದಲ್ಲದೇ, ಮನೆಗಳಿಗೆ ನೀರು ನುಗ್ಗಿ ಜನರು ಪರದಾಡುವಂತಾಗಿತ್ತು.
ಈ ವಾರದಿಂದ ಮಳೆ ಸ್ವಲ್ಪ ಬಿಡುವುದು ನೀಢಿತ್ತು, ಈ ನಡುವೆ ಮತ್ತೆ ಭಾರೀ ಮಳೆಯಾಗಲಿದೆ ಎನ್ನುವ ಮೂಲಕ ಹವಾಮಾನ ಇಲಾಖೆ ಮತ್ತೆ ಕಟ್ಟೆಚ್ಚರ ವಹಿಸಲು ಸೂಚಿಸಿದೆ. ಇನ್ನು ಉತ್ತರ ಒಳನಾಡು ಹಾಗೂ ಕರಾವಳಿಯಲ್ಲಿ ಸಾಧಾರಣ ಮಳೆಯಾಗಲಿದೆ ಎಂದು ಹೇಳಿದೆ.
